புலன்வெளி

ஓளியின் கீழ் நின்றிருந்தேன்
பாதி தெரிந்தது
மாய இருளில் நின்றிருந்தேன்
முழுமையும் தெரிந்தது
உங்களில் எத்தனை பேர் மாய இருளில்

மழைக்கு பயந்து குடையை விரித்தேன்
குடையுடன் குறுகியது என்னுலகம்
மழையில் கலக்க குடையை சுருக்க
விரிந்தது கையில் என்னுலகம்
உங்களில் எத்தனைபேர் மழையில்;

கண்திறந்து பார்த்தேன்
திரைகளைக் கடக்க மறுத்தது பார்வை
கண்மூடினேன்
திரைகள் தாண்டி சென்றன புலன்கள்
உங்களில் எத்தனை பேர் புலன்வெளியில்